Postingan
Naskah dharma wacana dewasa putra
Judul : ngelaksanayang panca yadnya ngulati kesukertan jagat
Inggih para atiti miwah uleman sane wangiang titiang
Para panureksa utawi Dewan juri sane baktinin titiang
Miwah semeton para pamilet lomba sane tresnasihin titiang
Omswastyastu
Pinih ajeng lugrayang titiang ngaturang pangastuti majeng ring ida
Sang hyang widhi wasa , duaning wantah Sangkaning asung kerta wara nugrahan
Ida mawinin titiang miwah ida dane mangguh kerahajengan sekadi mangkin
Ida dane semeton sinamian sane wangiang titiang sane mangkin titiang pacang ngaturang dharma wacana sane mapiteges “ngelaksanayang panca yadnya ngulati kesukertan jagat”
Kadi kecaping sastra sane mungguh ring pustaka suci menawa darmasastra VI , 35 kabaos indik pikayun utawi manah prasida nyujur kamoksan ritatkala sampun presida naur tetitga hutang . tetiga hutang punika kabaos Tri Rnam
Munggwing tetiga hutang inggih punika :
kapertama Dewa Rna ,inggih punika utang majeng ring ida sang hyang widhi wasa , sangkaning Ida sampun ngardi jagat lan sedagingnyane . sekadi kecaping sastra sane kasurat ring bhagawadgita adhyaya III , sloka 10 , odar titiang baos Ida Sang Hyang Widhi ritatkala Ida ngardi jagat ida Mojar “ cening i dewa sareng sami , manira ngardi manusa , miwah jagat lan sedagingnyane madasar antuk yadnya , teler kajangkepang antuk khamaduk sekadi lembu ingon-ingon Dewa Siwa sane presida nagingin sahananing sane kaanggen ring sajoroning ngupapira kauripan puniki” Lanturang titiang kadi ring sloka 12 ida mojar “ Manira sampun nagingin sahaning pakarsan Idewa malarapan antuk yadnya , idewa sareng sami , sanu nguruh kesenengan utawi nagingin kauripan nenten eling utawi nenten naenang meyadnya , tan bine idewa sekadi maling . punika kaunggahang ring pustka suci bhagawadgita .
Utang sane kaping kalih kabaos Pitra Rna , inggih punika embas iraga ke mercapada kantos duwur maurip , maguna jegeg lan bagu kadi mangkin wantah sangkaning leluhur utawai i rerama sane sampun ngadakang , tur ngupapira iraga .
Utang sane kaping tiga kabaos rsi rna inggih punika utang ajah-ajahan ring guru , mawinan iraga uning ring tatwa widya utawi tutur-tutur agama muah guna widya utawi kaweruhan sane kaanggen ring sajeroning maurip.
Ida dane sane dahat tresnasihin titiang
Minakadi pamargin yadnyane ring bali , ketah kamargiang antuk ngelaksanayang upacara melarapan antuk ngaturan upakara . indik pemargin upacara yadnya sane wenten ring bali nenten sampun kasumandiyang malih , duaning nyabran rahina , sasih , warsa tan rered – rered para umat hindune ngewentenang upacara yadnya. Nanging yadnya punika boye je wantah ngemargiang upacara melarapan antuk upakara kamanten . yadnya punika wantah sahananing pidabdan lan pikaryan sane kabuat madasarin antuk manah mekarya tan pamerih ring hasil sane kapikolohan , taler medasar antuk manah asih , punia lan bhakti.
Indik pemargin yadnya sekadi punika sandang tan surud-surud kasobyahan ring para umate sami Wantah sapunika Inggih para panureksa sane wangiang titiang lan para pamiarsa puniki prasida titiang ngaturang dharma wacana mogi-mogi wenten pikenoh ipun , tur ring galah sane becik puniki titiang nunas pangampura munawi wenten iwang atur titiang lan pari laksanan titiang pinaka wasana ning ngatur puputng titiang antuk parama shanti
